Willkommen beim Cercle Athletique Schifflange

Dësen Weekend woren d’Championnats Interclubs zu Dikkrëch (org Celtic/FLA)

Leider konnten mir do weder bei den Dammen nach bei den Hären am Equippenklassement iwwerzeegen. Bei den Dammen sinn mer déi 9. ginn; bei den Hären sinn mer nët iwert eng 8. Platz erauskomm. Dëst as natierlech durch déi geréng Unzuel vun Athleten déi mer um Start haaten ze erklären.

Trotzdem haaten mer dach eng Reih gudd Eenzelperformancen:

• D‘ Kany Touré huet iwwer 100m Hecken an 15″25 en neien Clubrekord opgestallt.
• Hat huet dobéi den aalen Rekord iwwert eng Sekonn verbessert !
• D‘ Emily Buschgens huet an der Kugel seng Bestleeschtung op 10,72m gesteigert an ass elo daat 4. am Clubranking
• Den Yoann Bebon huet iwwer 100m mat 11″08 gewisen dass mat him ërem ze rechnen ass
• Den Luc Hensgen huet iwwer 400m an 51″38 seng Bestleeschtung verbessert
• Den Andrea Baratte huet iwwer 800m an 1’56″24 eng nei perséinlech Bestleeschtung opgestallt
• Den Raphael Remy huet iwwer 1500m an 4’33″75 och eng nei Bestleeschtung gemaach.

D’Resultater kann en hei fannen.

Hei sinn d’Resultater vum Crosschampionnat den mir dëst Joer zu Schëffleng organiséiert hunn.

Virun allem bei den Hären woussten mer ze iwwerzeegen; am Equipenklassement konnten mir eng exzellenten 2. Plaaz errechen.

Besonnnech ass eng éischten Plaatz vum Andrea Baratte bei den Junioren ervirzehiewen.

Félicitatiounen vir dëst excellent Resultat.

Hei sinn all d’Resultater als PDF Dokument

Photoen vum Cross kann en hei fannen (Photoen vum Mike Poth).

Um Site vun der FLA fënnt een och vill Photoen zum Cross.

Mir wëllen och all eisen Benevolen en groussen Merci soen. En Cross ze organiséieren ass ëmmer eng grouss Ustrengung. Ouni den fräiwellegen Asaatz vun villen Leit wier et nët méigelech esou eng Manifestatioun op d’Been ze stellen.

Beim 13. Vectis Indoor Meeting an der Coque woussten d'Tshilumba Sisters op ganzer Linn ze iwwerzeegen:

Iwwer 60m huet d'Tiffany an den Virleef mat 7"41 ugedéit dass hat ërem an exzellenter Form ass.
An der Final huet d'Tiffany dunn mat 7"39 séin Landesrekord op en neits kënnen verbesseren.
Mat der Zéit vun 7"39 huet d'Tiffany och den Tiquet vir d'Indoor-Europameeschterschaften zu Prag (6-8 März) geléist!

Och d'Elodie wousst an der Héichsprong Dammenkonkurenz ze iwwerzeegen:
Mat iwersprongenen 1,84m konnt hat séin eegenen Landesrekord op en neits ém
gléich 4 cm no uewen schrauwen…

Félicitatiounen vir dës grandios Leeschtungen !

Detailer zum Event sinn hei ze fannen; d'Resultater sinn hei ze gesinn.